काठमाडौँ : आज (सोमवार) नेपाल स्टक एक्सचेञ्ज (नेप्से) परिसूचक करिब ९ अंकले घटेको छ। आज नेप्से परिसूचक ८ दशमलव ७५ अङ्कले घटेर २ हजार ६० दशमलव १५ को बिन्दुमा कायम भएको छ।
आज विभिन्न ३०६ कम्पनीको १ करोड १८ लाख ९२ हजार ५५९ कित्ता शेयर १ लाख २ हजार ९०५ पटक खरिद बिक्री हुँदा ४ अर्ब ४८ करोड ३९ लाख ८२ हजार ४६१ रुपैयाँ बराबरको कारोबार भएको छ।
आजको कारोबारपछि बैंकिङ समूहको उपसूचक शून्य दशमलव ०१, विकास बैंक शून्य दशमलव १०, लगानी र उत्पादन तथा प्रशोधन समूह दुवै १ दशमलव ०७ र व्यापार समूह शून्य दशमलव ४५ अङ्कले बढेको छ। जलविद्युत् समूहको उपसूचकमा सबैभन्दा धेरै १ दशमलव ७२ प्रतिशतको गिरावट देखिएको छ।
वित्त शून्य दशमलव ८०, होटल तथा पर्यटन १ दशमलव ६७, जीवन बीमा १ दशमलव ५८, लघुवित्त शून्य दशमलव १५, म्युचुअल फन्ड शून्य दशमलव ३१, निर्जीवन बीमा शून्य दशमलव ७५ र अन्य समूह शून्य दशमलव ३२ प्रतिशतले घटेको छ।
सिइडिबी हाइड्रोपावर डेभलपमेन्ट कम्पनी लिमिटेड र चिर्खुवा हाइड्रोपावर लिमिटेडकोको शेयर मूल्यमा सकारात्मक सर्किट लागेको छ। सबैभन्दा धेरै गुमाउनेमा भने मोलुङ हाइड्रोपावर कम्पनीको शेयर मूल्य ८ दशमलव ०९ प्रतिशतले घटेको छ।
कारोबार रकमका आधारमा सबैभन्दा धेरै शिवम् सिमेन्ट लिमिटेडको २० करोड १३ लाख ७३ हजार ६६२ रुपैयाँ बराबरको कारोबार भएको छ।
कारोबार भएका शेयर सङ्ख्याका आधारमा भने मोनापुर मिनरल्स एन्ड आयल लिमिटेडको ४ लाख ३७ हजार २७ कित्ता शेयर किनबेच भएको छ।
तपाईंको ईमेल गोप्य राखिनेछ ।