काठमाडौं : पूर्वराष्ट्रपति विद्यादेवी भण्डारीले आधुनिक इतिहासमा फागुन ७ गतेको विशिष्ट महत्त्व भएको बताएकी छिन्।
७४ औँ प्रजातन्त्र दिवसको आवसरमा शुभकामना दिँदै उनले नेपाली समाजलाई खुलापन र आधुनिकतातर्फ अघि बढ्न मार्ग प्रशस्त गर्ने दिनको रूपमा यो दिनको महत्त्व रहेको बताएकी हुन्।
‘विसं २००७ को जनक्रान्तिले नै एकातर्फ राणाहरूको निरङ्कुश पारिवारिक शासनको अन्त्य गरी प्रजातन्त्रको स्थापना गर्यो।अर्कोतर्फ बन्द नेपाली समाजलाई खुलापन र आधुनिकतातर्फ अघि बढ्न मार्ग प्रशस्त गर्यो’, उनले भनेकी छिन्, ‘त्यसपछिका सात दशकभन्दा लामो अवधिमा पनि निरङ्कुश शासकबाट पटक–पटक प्रजातन्त्रको गला रेट्ने प्रयत्न भएको थियो।
सन्देशमा उनले लोकतान्त्रिक प्रणालीको स्थायित्वका लागि समाजमा व्याप्त गरिबी, बेरोजगारी र सामाजिक विभेद अन्त्य गरी जनताको जीवनस्तरमा सकारात्मक परिवर्तन ल्याउन आवश्यक रहेको उल्लेख गरेकी छिन्। त्यसका लागि मुलुकमा उद्योग र उद्यमशीलताको विकासमार्फत सुदृढ र आत्मनिर्भर राष्ट्रिय अर्थतन्त्रको निर्माण अपरिहार्य भएको बताएकी छिन्।
तपाईंको ईमेल गोप्य राखिनेछ ।