काठमाडौं : त्रिकोणात्मक टी-२० आई सिरिजमा नेपाललाई तेस्रो सफलता मिलेको छ।
नामिबियाविरुद्ध सोमपाल कामीले विकेट लिएका हुन्। उनले २५ रन बनाएर खेलिरहेका जेपी कोट्जेलाई आउट गरेका हुन्। पहिलो विकेट पनि कामीले नै लिएका थिए। उनले मलन क्रुङरलाई आउट गरेका थिए।
दोस्रो विकेट भने करण केसीले लिएका हुन्।
पहिले ब्याटिङ गरेको नेपालले जितका लागि १८१ रनको लक्ष्य दिएको छ। सिरिजको पहिलो खेलमा नामिबियासँग २० रनले हारेको नेपाल दोस्रो खेलमा नेदरल्याण्ड्ससँग २ रनले पराजित भयो।
खेलमा लगातार दुई खेल जितेको नेदरल्याण्ड्स चार अंकका साथ शीर्ष स्थानमा छ। नेपाल अंकविहीन छ भने नामिबियाको दुई अंक रहेको छ। शनिबार नेपालले नेदरल्यान्ड्ससँग खेल्नेछ।
तपाईंको ईमेल गोप्य राखिनेछ ।