काठमाडौं : स्पेनिस ला लिगा अन्तर्गत बार्सिलोनाले भलेन्सियालाई पराजित गरेको छ।
गएराति सम्पन्न खेलमा बार्सिलोनाले भलेन्सियालाई ४–२ गोल अन्तरले पराजित गरेको हो।
बार्सिलोनाको जितमा रोबेर्ट लेवानडोस्कीले ह्याट्रिक गरे। एक गोल फेर्मिन लोपेजले गरे। भलेन्सियाका लागि हुगो डुरो र पेपेलुले एक एक गोल गरेका थिए।
खेलको ४५औं मिनेटमा भलेन्सियाका गिओर्गी मामर्डाशभिलीले रातो कार्ड पाएपछि भलेन्सिया १० खेलाडीमा सिमित भएको थियो।
जितपछि बार्सिलोनाको ला लिगामा ३३ खेलमा ७३ अंक भएको छ र दोस्रो स्थानमा उक्लिएको छ।
बार्सिलोना शिर्ष स्थानमा रहेको रियल म्याड्रिडभन्दा ११ अंकले पछाडी रहेको छ। भलेन्सियाको भने ३३ खेलमा ४७ अंक रहेको छ र लिगमा आठौँ स्थानमा छ।
तपाईंको ईमेल गोप्य राखिनेछ ।