काठमाडौँ : नेपाल स्टक एक्सचेञ्ज (नेप्से) परिसूचक आज (आइतवार) १७ दशमलव ३० अंकले घटेर २ हजार १८ दशमलव ३३ को बिन्दुमा कायम भएको छ।
आज ३१६ कम्पनीका ७९ लाख ५७ हजार ६५९ कित्ता शेयर ६७ हजार ४४ पटक खरिदबिक्री हुँदा ३ अर्ब २० करोड ५३ लाख ३२ हजार ३२४ रुपैयाँ बराबरको कारोबार भएको छ।
निर्जीवन बीमा समूहको उपसूचक शून्य दशमलव १२ प्रतिशतले बढेको छ भने अरु सबै समूहको उपसूचक आज घटेको छ।
सबैभन्दा धेरै उत्पादन तथा प्रशोधन समूह ३ दशमलव ६५, व्यापार १ दशमलव ७४, लघुवित्त १ दशमलव २० र विकास बैंक १ दशमलव ०९ प्रतिशतले घटेको छ।
बैंकिङ शून्य दशमलव ५३, वित्त शून्य दशमलव ६२, होटल तथा पर्यटन शून्य दशमलव ७६, जलविद्युत् शून्य दशमलव ०८, लगानी शून्य दशमलव ७९, जीवन बीमा शून्य दशमलव ९९, म्युचुअल फन्ड शून्य दशमलव ७३ र अन्य समूहको उपसूचक शून्य दशमलव ७१ प्रतिशतले घटेको छ।
मायाखोला हाइड्रोपावर कम्पनी लिमिटेडको शेयर मूल्यमा आज सकारात्मक सर्किट लागेको छ।
गरिमा डिभेञ्चर २०८५ को मूल्य ८ दशमलव ०८ र उन्नत्ति सहकार्य लघुवित्त वित्तीय संस्था लिमिटेडको शेयर मूल्य ७ दशमलव ७४ प्रतिशतले बढेको छ।
सबैभन्दा धेरै घट्नेमा भने सर्वोत्तम सिमेन्ट लिमिटेडको शेयर मूल्यमा ९ दशमलव ९९ प्रतिशतले गिरावट देखिएको छ।
कारोबार रकम र शेयर सङ्ख्याका आधारमा आज सबैभन्दा धेरै सर्वोत्तम सिमेन्ट लिमिटेडको २८ करोड ६८ लाख ९३ हजार ३३१ रुपैयाँ बराबरको २ लाख ९० हजार १३६ कित्ता शेयर किनबेच भएको छ।
तपाईंको ईमेल गोप्य राखिनेछ ।