गण्डकी : गण्डकी प्रदेशका ११ वटै जिल्लामा शैक्षिक सत्र शुरु हुनुअगावै पाठ्यपुस्तक पुगेको छ। जनक शिक्षा सामग्री केन्द्र लिमिटेड पोखरा कार्यालयका अनुसार ६ लाख आठ हजार ६२८ थान पुस्तक बिक्री भइसकेको छन्।
हिमालपारिका जिल्ला मुस्ताङ, मनाङसहित सबै जिल्लामा स्थानीय बिक्रेतामार्फत पाठ्यपुस्तक पुर्याएको केन्द्रका निमित्त प्रमुख शिवविलास पौडेलले जानकारी दिए। प्रदेशका १० जिल्लामा पोखरा र नवलपुरमा भरतपुर कार्यालयबाट पुस्तक बिक्री हुँदै आएको उनले बताए।
‘माग भएजति पाठ्यपुस्तक पठाइसकेका छौँ, हामीसँग पाठ्यपुस्तक पर्याप्त छन्’, निमित्त प्रमुख पौडेलले भने, ‘यो वर्ष शैक्षिक सत्र सुरु हुनुअगावै गण्डकी प्रदेशका सबै जिल्लामा पुस्तक ढुवानी भएको छ।’
तपाईंको ईमेल गोप्य राखिनेछ ।