काठमाडौं : अर्थमन्त्री डा. प्रकाशशरण महतले आगामी बजेट बजेट समृद्धि‚ सुशासन र सामाजिक न्याय कायम गर्न लक्षित रहेको बताएका छन्।
सोमबार आ.व. ०८०/८१ को बजेट प्रस्तुत गर्दै अर्थमन्त्री महतले युवालाई मुलुकभित्रै आर्थिक गतिविधिमा प्रेरित गर्ने, उद्यमशीलता विकास, गरिबी निवारणमा जोड दिइएको बताए।
स्रोत साधनको प्रभावकारी र परिणाममुखी उपयोगमा ध्यान दिइएको उनको भनाइ छ। उनले चालू आर्थिक वर्षमा आर्थिक वृद्धिदर २ दशमलब १६ प्रतिशत रहने अनुमान गरिएको बताए।
उनले विश्व अर्थतन्त्रमा देखिएको शिथिलता र आन्तरिक कारणले आर्थिक गतिविधिमा सुस्तता आएको हुँदा आर्थिक वृद्धिदर न्यून हुने देखिएको बताए।
उनले राजश्व संंकलन पनि गत वर्षभन्दा ५ प्रतिशत कम उठ्ने अनुमान गरिएको बताए।
तपाईंको ईमेल गोप्य राखिनेछ ।